Այցելություն հատուկ դպրոց

Նախորդ այցելությունից անցել էին օրեր,բայց հատուկ դպրոցում անցկացրած օրը հուզել էր շատերին:Դպրոցի աշակերտական խորհուրդը նախատեսել էր եւս մեկ այցելություն՝ այս անգամ Նոր տարվա առիթով,չէ որ դա բոլորիս տոնն է,եւ այդ երեխաներն էլ իրավունք ունեն ուրախանալու:Աշակերտական խորհուրդը պատրաստել էր միատեսակ նվերներ բոլոր երեխաների համար:Եվ դեկտեմբերի 25-ին ուսուցիչների՝ Կ.Բասոյանի եւ Գ.Ավագյանի ուղեկցությամբ աշակերտները եղան դպրոցում եւ հանձնեցին նվերները:Երեխաները շատ էին ուրախացել,որովհետեւ նման ջերմություն եւ ուշադրություն չէին զգացել:Մեր աշակերտները շատ էին ազդվել,բայց նաեւ գոհ էին,որ բարեգործական մեծ քայլ են արել:

Ընկերասիրություն

Բավականին խոսուն միջոցառումը կազմակերպել էր թիվ 43 դպրոցի հայոց եկեղեցու պատմության ուսուցչուհի Գայանե Ավագյանը:Միջոցառմանը ներկա էր դպրոցի ողջ մանկավարժական կոլեկտիվը ,դպրոցի նախկին տնօրեն,ԱԺ պատգամավոր Ռ.Մուրադյանը:Միջոցառումն սկսվեց«Ամենալավ ընկերը»երգով:Գ.Ավագյանը հանդես եկավ ներածական խոսքով:Նա նշեց,որ ընկեր բառը հետաքրքիր ստուգաբանություն ունի,նշանակում  է ընկեր այսինքն միասին կեր:Մարդ, որի հետ եւ ուտում ես.եւ ուրախանում,եւտխրում,եւ աշխատում:Նա դառնում է քո կյանքի անբաժան մասնիկը,եւ կյանքիտ որոշակի փուլում ունենում ես այդ փուլին համապատասխան ընկերներ՝ մանկության,ուսանողական,աշխատանքային:Գ.Ավագյանը կարեւորեց ընկերության եւ ընկերոջ դերը՝ ընդգծելով այն հանգամանքը,որ եթե ծնողներին,հարազատներին մենք չենք կարող ընտրել,քանի որ նրանք ի վերուստ են  մեզ տրված,ապա ընկերներին ընտրելու հնարավորությունը մեզ է տրված:Եվ ցանկալի է, որ ընտրությունը դրված լինի մաքուր եւ անշահախնդիր հիմքերի վրա,եւ ընկեր ընտրենք մեր բնավորության,ճաշակին ու համոզմունքին համապատասխան,ոչ թե նրանից շահ ակնկալենք:

 Դպրոցի մանկավարժների խումբը ուղեւորվեց Վայոց ձորի Մարտիրոս գյուղ՝ տեսնելու հիասքանչ եկեղեցական համալիրը:Խոսուն լռությամբ հարգեցինք Պ.Սեւակի եւ նրա կնոջ հիշատակը նրանց գերեզմանաքարի մոտ:Թանգարանում ծանոթացանք այն բոլոր ցուցանմուշներին,որոնք պատմում էին Սեւակի մանկության, պատանեկության եւ անցած ուղու մասին:Մեզ հիանալի տպավորություններ էին սպասում եւ Մարտիրոս գյուում:Եկեղեցիները գեղեցիկ էին, ինքնատիպ, այնքան ինքնատիպ, որ անվանել էին «Երկրորդ Երուսաղեմ»:Մի պահ վերացանք առօրյա հոգսերից, ընկանք ցանկությունների գիրկը:Վերադարձանք տուն թեթեւացած հոգիներով ու այն մեծ հուզմունքով, որ հոգեւոր սնունդը անհրաժեշտ  է բոլորիս ամեն ժամանակ:

Նառա Փանոսյան

Սուսաննա Ասլանյան

Ռոզի Սանդոյան (սոց մանկավարժ)

Արմինե Ղազարյան

Կարինե Բասոյան(մասնագիտացված կրթական աջակցությունների գծով փոխտնօրեն)

                                Մարինե Հովսեփյան(ուսումնական գծով փոխտնօրեն )

   Ռուզաննա Բեգջանյան(տնօրեն)                                                    

Ռուզաննա Մուրադյան(դպրոցի նախկին տնօրեն ,ազգային ժողովի պատգամավոր)